Nizan December 20 zaanlei ah Matupi peng chung ah CDF-Matupi le SAC ralhrang karlak kahdohnak a chuak i, CDF-Matupi in ralkap pakhat nih ram le miphun ca ah a nunnak a pek, tiah CDF-Matupi nih thawngpang an chuah.
Matupi peng chung ah a ummi Thaiboi SAC ralhrang sakhaan in a zaammi ralhrang pawl cu CDF-Matupi nih an dawi hnanak ah kahdohnak a chuak i atu bantuk in a nunnak a liam hi a si.
A nunak a liammi CDF-Matupi ralkap hi Salai Lian Cin Thang tiah auhmi a si i, CDF-Matupi ralkap pakhat zong atu tiang an hmu rih lo.
SAC ralhrang lei zong hi minung 10 hrawng an i hliam, tiah CDF-Matupi nih an langhter.
Thaiboi SAC ralhrang sakhaan cu CDF-Matupi hruainak in CDF-Lautu, CDF-Mindat le CNDF nih December 19 ah an rak lak cang.
