AA nih a hruaimi hna Chin Unau Phu (MDF, CNDF, CDF-Mindat, CDF-Kanpetlet, PDF-Zoland, CDF-Matupi Brigade-1) le Chinland Council ralkap karlak ah kahdohnak a chuak i CNA pasal pakhat a nunnak a liam, tiah theih a si.
A nunnak a liammi CNA pasal hi kum 24 lawng a si rihmi Salai Ram Thang a si. A ruak cu Camp Victoria ah an tlunpi i, an vui cang.
AA hnuzul Chin Unau Phu le kan Chin ralkap bu hna cu Matupi SAC ralhrang doh kong ah hnatlaknak an ngei na in AA hnuzul Chin Unau Phu lei in hnatlaknak cu an buar.
Ralzaam chanhchuah ding in a kalmi CNA ralkap cu AA le a hnuzul pawl nih an rak tlaih pin ah Chinland council lei nih ralhrang sakhaan doh an timhmi AA le a hnuzul pawl nih an kham hna caah kahdohnak a chuah i a si.
Salai Ram Thang thisen hi AA kut lawng ah aa neh lo, kan Chinram ah AA a luhpitu, AA hnuzul Chin Unau Phu ai timi hriamtlai hna kut zong ah aa neh. Kan philh lai lo.
