Chin Brother Operation min in an kalpimi Matupi le Tedim kahdohnak ah Chin Unau Phu chungtel hriamtlai phu chung in ralkap 10 leng an thi, tiah thawng kan theih.
Tedim khua kahdohnak ah Chin Unau Phu chungtel PDF-Zoland le CNDF in ralkap 6 an thi, tiah PDF-Zoland nih a langhter.
Chin Unau Phu nih Tedim khua SAC ralkap hmunkhuarnak pawl kah hram a thawk lio ah CNDF in ralkap pakhat a thi i, June 12 ah PDF-Zoland ralkap 5 an thi.
Cun, June 9 in 17 tiang a cang mi Matupi khua kahdohnak ah CDF-Matupi Brigade (1) in ralkap 5 an thi, taih tualchung media hna nih an langhter.
Tedim khua cu Chin Unau Phu nih an la thai kho lo i, PDF-Zoland nih an rak laak mi Kenedy tlang zong SAC ralkap nih June 18 ah an laak ṭhan.
Matupi khua i penguk zung, palik zung le SAC ralkap Kha La Ya (304) sakhaan cu Chin Unau Phu, AA le Yaw Army nih an laak khawh cang hna, tiah theih a si.
