MDF le Rakhine hriamtlai AA ttang tti in CNA/CDF-Mara he an i kah lio ah a thi an timi CNA kan ralkap Paw Lay Thua cu MDF nih an rak tlaih, tiah theih a si.
Atu kum February 25 ah khan MDF+AA le CNA+CDF-Mara karlak ah kahdohnak a rak chuak i kap hnih in a thimi an rak um.
Cu lio ah cun Zotung lei kan unau a simi CNA ralkap Paw Lay Thua hi a thi taih thawngpang a rak leng.
Paw Lay Thua hi a rak thi lo. A kee ah hliamhma a rak pu i MDF nih an rak tlaih. MDF pawl chim ning ah cun thla thum chung kan zohkhenh cang, kee deu zong bunhpiak a hau, tiah an chim.
MDF nih hliamhma a pumi CNA ralkap Paw Lay Thua hi an hrem le hrem lo fiang in theih a si rih lo. MDF lei nih cun Zotung lei le CNA lei in Paw Lay Thua hi an hlam, tiah an chim ve.
