Matupi peng chung SAC ralhrang le CDF-Matupi karlak i kahdohnak ah a rak tlaumi CDF-Matupi ralkap Salai Thang Fung ruak cu an hmuh ṭhan cang, tiah theih a si.
Matupi peng chung i Thaiboi SAC ralhrang sakhaan cu CDF-Matupi hruaimi ṭangrual Chin ralkap nih an rak lak.
Cu SAC ralhrang sakhaan cun a zaammi SAC ralhrang pawl cu CDF-Matupi nih December 20 ah an dawi hna i, ramlak ah i kahdohnak a chuak.
Kap hnih kahdohnak ah CDF-Matupi lei in Lian Cin Thang a nunnak a liam i, Salai Thang Fung hi a rak tlau.
Salai Thang Fung cu Drone in a kawl hnu ah a ruak cu an hmuh i, CDF-Matupi ralkap nih cu a ruak cu nizaan December 28 ah an vung lak khawh.
Thaiboi SAC ralhrang sakhaan in a zaammi ralhrang pawl le CDF-Matupi karlak kahdohnak ah hin SAC ralhrang lei in minung 10 hrawng an i hliam, tiah CDF-Matupi nih an thanh.
