Rakhine miphun hriamtlai AA le an ṭapeh MDF pawl nih Paletwa peng chung ah Chin mino 30 leng an tlaih hna, tiah theih a si.
Paletwa peng in India ram lei ah ralzaam ding le Baibal sianginn kai ding in a kalmi Chin mino 30 leng cu nizaan March 20 ah khan AA le an hnuzul MDF pawl nih lampi ah an tlaih hna, tiah Paletwa tualchung thawngzamhnak KIMO News nih a ṭial.
Ralzaam ding le Baibal sianginn kai ding in India lei ah a kalmi mino 30 leng in Paletwa peng Sami khua hrawnghrang ah a ummi an si hna.
Motor pakhat in an kal lio ah Leikwat tlang le Satu khuate karlak ah AA le an ṭapeh MDF pawl nih an tlaih hna hi a si.
Tlaih a tongmi mino 30 leng lak ah nu tete zong an i tel hna i, pa hi an tam deuh. Atu tiang an thlah rih hna lo tiah theih a si.