Chin ramkulh, Paletwa peng chung ah Rakhine hriamtlai AA he ral a domi Maraland Defense Forces (MDF) cu AA nih meithal ceilakte an pek ve hna, tiah theih a si.
AA nih an pekmi hna meithal hi keimah nih ka rel khawh tawk ah zun 30 hrawnghrang a si i, hi nak zong hin a tam deuh kho ko.
MDF hi AA sin ah raldoh cawnnak zong a ngeimi a si i, Paletwa peng chung SAC ralhrang sakhaan dohnak pawl ah AA he ral a domi an si ve.
AA nih Paletwa khuapi telh in Paletwa peng chung vialte cu an lak dih cang i, uknak lei kong ah MDF hi nawlngeihnak an pe ve te hnga maw ti belte cu theih a si rih lo.
AA hraimtlai nih kan ram a simi Paletwa ah SAC ralhrang an tei hna cu a ttha tuk ko nain Paletwa hi AA nih thlah an duh sual te lai lo i, Paletwa ah a ummi kan Chinmi pawl miphun dang kuttang ah an temtuar tuk sual lai, timi thinphannak zong a um ngaingai.
