AA nih kan Chinram, Paletwa an lakmi kong he pehtlai in micheukhat nih “SAC ralhrang umnak khua an lak cu a ttha ko,” a titu zong an um nain Salai Ceu Bik Thawng nih cun “Kaa lawm kho lo,” tiah a hmuhning a langhter.
“MAH uknak thlaknak ding tiang doh aa tim lo i Rakhine ram luatnak fang le Paletwa (kan ram) chuh duhnak tiang lawng a ruatmi an si caah kei cu kaa lawm lo. (Nai ah CNA zong an kan kah—AA nih),” tiah Salai Ceu Bik Thawng nih a ttial.
“Paletwa ah Rakhine thongsawmthum nawn an um. Rakhine ram ah Chin tingthum nawn kan um ve. CNA nih kan saduhthah ningin ninikhat ah meithal le hriam tampi nei ve usih law Rakhine ram kan miphun hna umnak hmun ah ralhrang do ve te usih law zeitindah an ruah ve hnga. An lungput hi…” tiah a ti chap.
“AA *****liak Chinmi hrim hi ka fih hna… Hi ram (Myanmar ram) ah cun miphun tthawn cio kha pakhatnak si ko hih. CNA le arsa-eikhat CDF pawl tthawn hau ko. Ramleng kan phaisa thawhmi hi meithal le zenkuan ca bak ah kalter hau cang,” tiah Salai Ceu Bik Thawng nih a langhter.
Salai Ceu Bik Thawng hi NLD chan ah khan CNLD ah Secretary a rak ttuanmi a si i, SAC ralhrang nih Myanmar ram uknak an lak hnu ah hriamtlai in kan ram le miphun a luat nakhnga a cawlcang cuahmahmi a si.
