Rakhine miphun hriamtlai AA nih Chinram, Paletwa khua cu tlamtling tein kan lak khawh cang tiah nihin zaanlei ah khan thawngpang an thanh.
AA hriamtlai pawl nih Paletwa khua cu zarh tam ngai an doh cang i atu ah tlamtling tein an lak khawh i a si.
Paletwa khuachung i SAC ralhrang zung pawl ah AA Flag an tarmi pawl hmuh khawh an si i, hriamnam an lakmi zong a tam ngaingai.
Raldohnak Tank, miakpi, mortar le meithal tam taktak an lak. Paletwa laknak ah AA ralkap zeizah an thih i, SAC ralhrang zong zeizah an thih timi belte an langhter lo.
SAC ralhrang pennak tang ah a ummi Paletwa khua AA nih an lak khawh cu a ttha ngai ko nain hmailei ah Paletwa hi Chinmi sin ah a kan pe te hnga maw?
