Nihin January 10 zaanlei ah SAC ralhrang nih CNA Headquarters Camp Victoria cu vanlawng in an kah caah CNA ralkap minung 5 nih ram le miphun caah nunnak an pek.
A nunnak a liammi hna min cu a tanglei bantuk hin an si hna:
- Salai Van Ro Piang
- Salai Duh Tin
- Salai Kil Mang
- Mai Ngun Hlei Par
- Mai Sui Len Par
Zaanlei sml. 4:30 hrawng ah khan SAC ralhrang vanlawng panga nih Thantlang peng, India-Myanmar ramri ah a ummi CNA/F camp cu rello ngaiin bomb in an rak kah.
A cunglei CNA ralkap minung 5 an nunnak a liam pin ah a dang hliamhma a pumi minung 10 hrawng an um.
SAC ralhrang vanlawng hi India ramchung ah a luh bang in India ram chung ah a tlawm bik bomb voi khat zong a tla tiah an chim.
Credit – The Chin Journal
