Tu zaan Myanmar caan zantim nazi 1:30 ah a chuih dingmi Argentina le Netherland puai ah hin Argentina hi a sung khomi a si.
Ahlan World Cup ah an rak i tonmi tuanbi zoh tik ah Netherland le Argentina hi an rak i khingkhang ngaingai.
1974 ah a voi khatnak World Cup ah an rak i tong i Netherland nih zohchia taktak in 4-0 in Argentina cu a rak tei.
1978 ah World Cup ah a voi hnihnak an i tong than i Argentina nih teirul an cham khawh. 3-1 in Netherland an rak tei hna.
Asinain, 1998 ah a voi thumnak an i tong than i Netherland nih 2-1 in a rak tei hoi. Netherland le Argentina hi an rak i tong lengmang.
2006 ah an i tong than i 0-0 in an i tluk. Cun, a donghnak bik an i ton cu 2014 World Cup Semifinals ah a si. Cu lio ah cun a chuih lei in Argentina nih an rak tei kho hna lo. Messi zong Argentina lei in a chuih ko.
Netherland lei in mi thatha an ngeih hna. Abiana ah hmaikal Robbin le Van Persie tibantuk an si.
Cun, Argentina lei in minthang an um lengluang fawn. Abiana ah, Messi, Higuain le Perez tibantuk pawl an rak chuih. Asinain, Netherland cu Extra Time zong ah an tei hna lo i, Pentalty tu in 4-2 in an rak tei hna.
Atu zaan hi Netherland caah lehrulcham puai zong a si lai. An i zuam taktak lai. Messi deuh lawng aa bochanmi Argentina caah thaw a ip kho.
Atu ah Netherland nih a makmak a simi Depay, Memphis, Van Dijk le Denzel Dumfries tibantuk bawlung chuihtu pawl an ngeih hna. Argentina caah a fawi lai lo.
A tanglei hmanthlak hi hmet law tuzaan World Cup zohnak ah kalte:
