World Cup Semifinals ah Argentina nih Croatia cu 3-0 in an tei hna i, Final ah an hun kai ruangmang cang.
Argentina Final ah an kai bang in Messi nih kumcaan saupi a manhmi World Cup chunmang a tlamtling naklai a hun i naih thluahmah ve cang.
Atutan Croatia he puai ah Messi nih Penalty in a goal khatnak a kawl. Cu dih cun Julian Alvarez nih cerhtual laifang dengmang in bawlung a tlikpi i Croatia goal chung ah a luhter diam ko.
Second Half ah Messi nih Croatia Penalty Area chung ah aa luhpi i Julian Alvarez a hun chanh tik ah Julian Alvarez nih sol loin Croatia goal chung ah lut lak in a sut.
Atuan Croatia puai ah Messi nih goal khat a sut caah 2022 World Cup ah goal 5 a sut cang. Vawleicung World Cup ah amah bantuk kum 35 a simi nih goal 5 tiang an sut bal rih lo. Atutan hi a voi khatnak a si i, tuanbia thar a tial than.
