Atu kum World Cup ah Champion a simi Argentina pawl cu khualipi Buenos Aires ah minung a tingting nih an ton hna i a thimi le hliamhma a pumi zong an um hna.
Inncungcih cung ah le Traffic Light tung cung tiang ah minung an kai hna caah kum 24 a simi pa pakhat cu inncung in a tlak caah sizung ah hliamhma he an kapi hnu ah a nunnak a liam.
Cun, Messi te motor cung ah kai a timmi minung 2 zong fak tuk in an tlak caah hlimahma fak ngai he sizung ah an phan.
Champion a lawmmi mi cheukhat nih Argentina Team an i citmi motor cung ah kai an timh lengmang caah Buenos Aires khuachung i lawmhpinak puai an ngol cang.
“Argentina bawlungchuihtu pawl himbawmnak caah Champion lawmhpinak hi kan ngol rih lai,” tiah Buenos Aires khuabawi nih thawng an thanh.
