A ruah hlan ah Aung La he aa tthua dingmi Tuluk pa Fan Rong nih Aung La cu anmah hmunram US ah ka tei lai, tiah a hun i tlerkhawng cang.
Fan Rong le Aung La hi May 5 ah US ram ah an tuah dingmi “ONE FIGHT NIGHT-10” timi MMA thongh zuamnak ah an i tong lai.
Atutan puai hi Aung La amah pumpak caah le Fan Rong caah abiapi ngaimi puai a si caah an i zuamcawh ning fak ngai lai.
Fan Rong hi kum 29 a si i, MMA puai 22 aa thong cang. Pui 19 teinak a hmumi a si. Knock Out in voi 6 teinak a hmu i, a sunghkhaan (Submission) in voi 11 teinak a hmu.
Aung La he i thongh nakding kong bia an hal i hitihin a leh hna: “Aung La tei ding in timhtuahnak Game Plan ttha tein ka ngei ko. Anmah an ram ciacia bak ah Aung La chunmang hi ka lohralter lai,” tiah a chim.
