Aung La nih Brazil pa Galvao a vun tei dih ah khan bia an hal i a zumhnak kong tehte khaannak a vun ngei.
Vawleicung minung tampi nih an zohmi One Championship Ring pi cu Aung La nih tehte khaannak ah a vun hman taktak ko cang.
Aung La nih Galvao cu Round khatnak second 90 ah a tei. Refree nih Galvao cu a celh ti lo a ti caah suangh a pek.
Aung La cu bia an vun hal tik ah “Myanmar mipi nan ca ah thla ka cam peng. Kan ram daihnak hi abiapi bik a si. Thla kan campiak peng hna” tiah Kawlholh in a chim.
Mirang holh in an vun chimter than tik ah “Atulio hi Myanmar mipi hna caah a har tuk lio caan a si. Thla kan campiak peng hna. Kei zong thlacamnak in Jesuh nih daihnak a ka pek ngaingai. Thla kan campiak peng hna lai,” tiah a chim.