Hakha peng, Buanlung khua ah nihin Zarhpi Ni ah bomb puahnak a chuak i ngakchia pakhat a thi, tiah theih a si.
Bomb puahnak a chuah hi zinglei ah khan a si i, ngakchia pakhat nih a kan thihtak pin ah a dang minung 4 zong hliamhma an pu.
Atu tiang ah cun zei bantuk bomb a puak mi dah a si ti mi a fiang rih lo, tiah hi thawngpang a tial hmasatu Salai William Hlawnceu nih a langhter.
Buanlung ah hin mah bantuk bomb puah ruang ah thihlohnak a um hi a voi 2nak a si cang.
Kan hnu 2022 October thla zong ah khan SAC ralhrang nih Buanlung ah drone in bomb an rak thlak i ngakchia pahnih an rak thi bal cang.
