CNA le CDF Bungzung sakhaan an lak lio ah sakhaan in a zaammi SAC ralhrang 20 hrawng lak ah ralhrang 2 cu lampi ah an thi, tiah CDF-Hakha nih thawng an thanh.
CNA bawino pakhat nih cun Bungzung sakhaan in a zaammi SAC ralhrang hi minung 24 an si, tiah a chim.
Cu chung ah cun ralhrang 17 hi December 20 ah Gangaw ah an phan i, cu lak ah ralhrang 5 hi hliamhma he sizung ah an phan.
Ralhrang milu 17 Gangaw an lut cang nain ralhrang cheukhat le an chungkhar minung 10 hrawng cu ramdang ah an um rih hna i CDF-Hakha nih kan dawi cuahmah hna, tiah an langhter.
December 18 ah a cangmi Bungzung kahdohnak lio ah khan Hakha khuachung zong ah Operation Archuangtlang bawmhnak ca ah CDF-Hakha nih hmun hnih ah kahdohnak an tuah i SAC ralhrang 1 a thi, tiah an langhter.
