Hakha-Gangaw lampi cung ah a ummi Bungzung khua i SAC ralhrang sakhaan cu CNA le CDF ṭangrual kan ralkap hna nih nihin December 18 zinglei ah an lak, tiah theih a si.
Bungzung khua ralhrang sakhaan hi Gangaw lei in rak luhnak Pura tang khan hmun 2 ah a um. Cu ralhrang sakhaan hmun 2 le Pura cung ah hmun a khuarmi ralhrang pawl hi kan Chin ralkap hna nih an chim viar hna hi a si.
Atu taing CDM zong a tuah duh bak lomi kan Laimi SAC ralhrang Captain Bual Peng hi CNA le CDF nih an tlaihmi cu a si. Bual Peng hi Hakha Khuahlun ah a rak ummi kan Laimi te bak a si.
Captain Bual Peng telh in SAC ralhrang 6 an nung in an tlaih hna, a dang ralhrang 7 hi an thi i, tampi an zaam hna.
Hakha-Gangaw lamcung ah a ummi Bungzung khua i SAC ralhrang sakhaan hi kan ralkap pawl nih an lak khawh cang caah Hakha-Gangaw karlak hi CNA le CDF nih an control khawh cang tinak a si.
