Atukar cu CDF-Hakha sin in thawngtha kan hun theih lengmang ko. Nihin zong ah SAC ralhrang palik pakhat cu a lung a hun fim cang i CDF-Hakha sin ah aa fonh cang.
Meithal le kuan tlamtling he a CDF-Hakha sin ah a zaam caah CDF-Hakha zong nih bia an rak i kam bantuk te in tangka ting 50 laksawng an pek.
March 2 zong ah khan SAC ralhrang palik pakhat cu CDF-Hakha sin ah meithal tlamtling he a rak zaam ve cang.
CDF-Hakha sin ah a zaam mi pawl cu himnak hmun ah tha te in kuat an si tiah CDF-Hakha nih an chim.
Nai zong ah khan Hakha Na Ta La sianginn ah a um mi palik panga cu CDF-Hakha nih an luh hnawh ciammam hna i an panga ning in an tlaih dih hna.
