2023 chung ah CDF-Lautu, CNA le a dangdang CDF/PDF mipi ralkap bu fonh pawl nih SAC ralhrang sakhaan panga an lak cang, tiah theih a si.
Matupi peng Lailenpi SAC ralhrang sakhaan le Rezua SAC ralhrang sakhaan laknak ah hin CNA le CDF phu dangdang he CDF-Lautu hi an i tel ve.
Cun, Matupi le Paletwa karlak, Matupi peng chung i Thaiboi SAC ralhrang sakhaan laknak zong ah CDF-Lautu hi CDF-Matupi he ral an do ve.
Cu lawng si loin Saypaw SAC ralhrang sakhaan (Myint Thar San) lak tukdohnak zong ah CDF-Lautu hi an i tel, tiah anmah Lautu lei nih an langhter.
Hnaring khua i SAC ralhrang palik sakhaan belte hi anmah CDF-Lautu nih ahohmanh bawmh loin an lakmi a si, tiah theih a si.
A cung i langhtermi hmanthlak pawl hi CDF-Lautu nih an lakmi SAC ralhrang meithal le kuanzen pawl an si.
