Paletwa peng, Sami khua in a zaammi SAC ralhrang pawl nih CDF-Matupi le CDF-Paletwa ralkap 3 an tlaih hna, tiah theih a si.
AA he i kahnak ruang ah Sami khua in a zaammi SAC ralhrang pawl cu January 16 ah CDF-Paletwa le CDF-Matupi nih lampi ah an kah hna nain hriamnam an ngeihmi an i thlau tuk caah CDF-Paletwa ralkap 3 cu ralhrang nih an tlaih hna.
CDF ralkap 3 tlaih an ton pin ah Paletwa peng, Paing khuabawi U Daniel zong ralhrang nih an tlaih ve.
Sami in a zaammi SAC ralkap pawl hi Matupi lei ah an rak lut i, CDF-Matupi, CDF-Paletwa le CNA nih lampi ah voi 3 hrawng an kah hna i ralhrang lei in 15 an thih pin ah hliam a pumi an tampi, tiah theih a si.
