CDF-Hualngoram ah miphun le ram caah rian a tuanmi Lalrawngbawla cu bomb i cangh sualnak ruang ah a nunnak a liam, tiah thawngpang an chuah.
December 5 ah khan CDF-Hualngoram nih rian an khinhmi tlamtlinh ding in a tuan cuahmah lio ah atu bantuk hin bomb nih a puah sual hi a si.
Pasal Bawla nih CDF-Hualngoram ralkap lak ah nawl a zulmi le bochan ngaimi a si i, Chin miphun zong a daw ngaimi a si tiah an langhter.
Atu bantuk in nunnak a pekmi cung ah CDF-Hualngoram a hawile ralkap pawl an ngaih a chia i dohthlennak hi fak chinchin kan tuah lai tiah bia an i kam.