CDF-Thantlang/Council tawlrelnak tang ah a ummi zung le hmunhma pawl ah lenkai tik ah kutput i ken lo ding in CDF-Thantlang nih hin January 9 ah thawng an thanh.
Atulio caan hi miphun le ram kan sersiam lio caan a si caah Chin miphun le zatlang ah ziknawh eihmuarnak a um lo nakhnga atu bantuk in khuakhan lairelnak an ngeih hi a si.
Biaceih liomi kong, pumpak, chungkhar, khuatlang ca bawmhhalnak tibantuk kong he pehtlai in CDF-Thantlang/Council zung/hmunhma hna va kal tik ah kutput i ken hrimhrim hlah u tiah an thanh.
“Kutput nan i ken zong ah cohlan nan si lai lo tiah thawng kan in than hna,” tiah CDF-Thantlang nih theihternak an tuah cang.
