Myanmar ramchung khuasa Chin mi lak ah muidawh pumrua tha Model kan ngeihchunhmi Magaret nih cun Messi fan ka si a ti i, atu zaan zong Argentina nih tei hna seh tiah a hun phuan cang ko.
Sunday TV nih Magaret cu bia an hal i, “Ka ngatchiat lio ah hin ka ta le ka pa hi bawlungchuih an rak zoh lengmang. Man-U fan an si. Cu caan thawk cun bawlungchuih hi ka lung ah um ve,” tiah a chim.
Cu lawng si loin taang-8 hrawng a si hin Magaret hi bawlung a rak chuih cang i, bawlungchuih thawknamnak a rak tep ngaingaimi Lainu lengdawh a si.
“Bawlungchuih ka zoh lengmang hi Messi hi ka uar ngai. Atu zong World Cup in Argentina an tla rih lo. Tu zaan an chuih ding zong hi Argentina nih tei hna seh ti ka duh,” tiah a chim.
Hlanlio Argentina bawlungchuih mintang taktak a simi Jorge Valdano nih cun “Messi nih hin bawlungchih a thawtnam hi a langhter. Atutan World Cup ah hin a min a thang khun i, mipi he pehtlaihnak thuk chinchin in a ngei. Messi hi cu ahlan Maradona bantuk bak kha a si ko. Messi a uar lomi nih hin cun bawlungchuih zong hi an uar lo tinak a si ko,” tiah TyC Sports biahalnak ah a chim.
