Kanpetlet peng, Cindwe khua kahdohnak ah SAC ralhrang bawi pakhat a si mi Captain Soe Yazar a thi, tiah theih a si.
March 10 ah a cangmi Cindwe khua kahdohnak Captain Soe Yazar a thih hi a si, tiah Soe Yazar i hringtu a nu nih a chim.
Captain Soe Yazar
Hringtu a nu Daw Soe nih, “Ka fahnianh bik Captain Soe Yazar cu March 10, zaanlei sml. 2:00 ah Chinram Cindwe khua kahdohnak ah a kan liamtak ee,” tiah ngaihchiatnak a ttial.
December 2023 thawk in Cindwe khua ah CDF-Kanpetlet le SAC ralhrang karlak kahdohnak aa thawk i, Chindwe khuachung sang vialte cu CDF-Kanpetlet kut cung ah an um cang i SAC ralhrang pawl cu palik sakhaan le sianginn ah an i um, tiah theih a si.
