CNA bawino lak ah cawnnak a ngeimi le Chin miphun kong zong ah a rak cawlcang ngaimi Salai Thangloon hi ralram ah thihnak in voi 3 tiang a luat cang.
April 2023 chung i Falam-Hakha karlak kahdohnak lio zong ah khan Pathian nih a ven i thihnak in a luat. Hliamhma tu cu a rak pu.
Cu lawng si loin August thla chung i Tedim peng kahdohnak zong ah ral nih an kahmi meithal kuan nih a meithal kawng a khen. Thihnak in a luat fangfang a si.
Atutan January ah a cangmi Chin ramkulh chung kahdohnak pakhat zong ah a khup tang deuh ah hliamhma ngan ngai a pu. Atutan a hma hi a tlehmi a ngan ngai.
Bawino Salai Thangloon hi Facebook ah ca a ttialmi tete zoh tik ah Chin miphun dawtnak a ngei taktakmi a si ti cu a fiang.
CNA ralkap lak ah bochan ngaimi mino a si pin ah cawnnak a ngeimi le chantiluan a dawi khomi bochan awktlak mino a si.