Nihin chun ah khan Tedim peng Laitui khua pawng ah Zomi hriamtlai ZRA le Chin miphun ralkap CNA karlak kahdohnak a chuak i CNA lei an him, tiah theih a si.
“Laitui khualeng ah suimilam pahnih chung hrawng an i kap. CNA lei cun hliampu le a nunnak a liam mi an um lo. ZRA lei zeidah an lawh timi zong theih a si ve lo,” tiah CNA he naihniam pakhat nih The Hakha Post sin ah a chim.
CNA ralkap pawl cu Laitui khua ah thil cawk ding in an kal lio ah ZRA nih an rak kah hna caah kap hnih karlak kahdohnak a chuah hi a si.
Kap hnih kahdohnak a dih hnu ah CNA nih pawngkam thianhnak an tuah i ZRA hriamtlai pawl nih an zaamtak mi puan, bag le ralkap thilthuam tibantuk an hmuh hna.
ZRA lei zong in aa hliam mi le a thi mi an um lo, tiah Tedim ca in ṭial mi tualchung thawngzamhnak pawl nih an langhter ve.
Credit – The Hakha Post
