Matupi peng in kan Chin ralkap CNA ah a pum aa pemi Salai Van Thang Lian nih ralram ah a nunnak a pek, tiah thawngpang kan theih.
Anmah Matupi lei thawngzamhnak nih an ṭial ning ah cun Salai Van Thang Lian hi Kalay peng chung kahdohnak hmun ah a nunnak a liam tiah an langhter.
“Salai Van Thang Lian cu Matupi peng ah a chuakmi a si i, ralkap uknak chung in kan luat nakhnga le Federal Democracy kan hmuh nakhnga ralram hmun khat ah ram le miphun caah nunnak a pek,” tiah an langhter.
Atulio hi Hakha-Kalay lam cung i Taingen khua SAC ralhrang sakhaan lak ding in kan miphun ralkap hna, CNA, CDF CDM Siyin, CDF-KKG, CDF -Thantlang, CDF-Hakha, PDA le CDF-Hualngoram nih an doh cuahmah lio zong a si.
Taingen SAC ralhrang sakhaan tukdohnak ah hin kan miphun ralkap lei in minung pathum nih ram le miphun caah an nunnak an pek cang, tiah CDF CDM Siyin nawlngeitu nih Kawl thawngzamhnak DVB ah a chim.
