World Cup Semifinals ah Argentina nih Croatia cu 3-0 in an tei hna i, Final ah an hun kai ruangmang cang.
Messi assist a tuahmi in Julian Alvarez nih Argentina caah goal 2nk a sut ah khan Argentina ramchung khua pakhat ah Helicopter in Messi angki number 10 cu Van ah an zuanpi thluahmah.
Messi angki Helicopter in an zuanpinak hmun hi Argentina ram Rosario khua ah a si. Messi upat peknak caah an tuahmi a si.
Atuan Croatia puai ah Messi nih goal khat a sut caah 2022 World Cup ah goal 5 a sut cang. Vawleicung World Cup ah amah bantuk kum 35 a simi nih goal 5 tiang an sut bal rih lo. Atutan hi a voi khatnak a si i, tuanbia thar a tial than.
Thaizaan ah France le Morocco an chuih lai i, aa teimi le Argentina cu December 18 ah Final an cil te lai.
Pathunak zong December 17 ah an chuih lai. France le Morocco puai ah a sungmi Team le Craotia hi pathumnak an i cuh te lai.
