Shan ramkulh, Taungkyi district ah Buddhist biaknak puai an tuah i, phungki pa cu hri cung leeng an kalmi aa leh caah a kee kiak tiah theih a si.
February 4 ah khan Yeganaing timi khuate i Pura tamhnak puai an tuah i, phungki pa cu Kawl biaknak nih “Thluachuahnak Tlanglawng” timi an citter.
Mah thluachuahnak tlanglawng hi Pura lei ah hri an zaam i van in an kaltermi a si.
An upat ngaimi phungki pa cu thluachuahnak tlanglawng cu an citter i, Pura lei cun van in an hnuh. Asinain, lam tanttim a tla ciammam i, a kee aa khiah ko.
Mah a tlami phungki pa hi Pyosawhti le SAC ralhrang he zong pehtlaihnak a ngeimi a si an ti caah vanchiat a tongmi cung ah mipi an i lawm ngaingai.
