Nizan January 2 ah Israel nih Hamas ralhrang hruaitu upa pakhat a simi Saleh al-Arouri an thah khawh, tiah BBC nih a langhter.
Saleh al-Arouri hi atulio Israel he Gaza ah aa kap cuahmahmi Hamas ralhrang lak ah ramkhel lei huraitu chang, Deputy Leader, an timi a si.
Nizan January 2, zaanlei ah khan Lebanon ram, Beirut khua ah Israel nih Drone in innsang pakhat bomb a thlak i, cu inn chung ah a ummi hna lak ah Saleh al-Arouri hi a thi ve.
Saleh al-Arouri he a um ṭimi a dang Hamas ralhrang paruk zong Israel Drone kahnak in an thi ve.
Atulio hi Gaza ah Israel le Hamas karlak kahdohnak a um peng rih. Atu tiang ah Israel ralkap 175 le Hamas ralhrang 3500 hrawng an thi, taih Israel lei nih thawng an thanh.
