Kum 2024 January thla chung ah Joshua Van le Felipe Bunes i ton ding in a fiang cang, tiah theih a si.
Amah Joshua Van pumpak zong nih, “January 13 we back!!! Nu le pa u le nau hna, thlacam in rak ka bawm tthan cio rih ko u law,” tiah a Facebook ah a langhter.
Joshua Van he aa thong ding Felipe Bunes hi Brazil rammi a si i, kum 34 a si cang. Voi 13 a rak i thong i, voi 6 a sung, voi 7 teinak a rak hmumi a si.
Joshua Van le Felipe Bunes cu aralaimi January 13 ah an tuah dingmi UFC 84, Las Vegas, Nevada, Apex ah Flyweight zuamnak ah an i thong lai.
Atulio MMA Flyweight Ranking ah Joshua Van hi number 21 zawn ah a um i, amah he aa thong dingmi Felipe Bunes cu number 74 nak ah a um.
Atu kum November 11 ah khan UFC 295 thongh zuamnak ah Joshua Van le Kevin Borjas an i tong i, Judge zapi hnatlaknak in Joshua Van nih a rak tei.
