Kalay ah mi sawhsawh thilthuam i hruk in thawngpang lak ding in aa chokmi SAC ralhrang pahnih cu mipi ralkap nih an tlaih hna, tiah theih a si.
Hi SAC ralhrang pahnih hi nizaan January 14 ah khan mi sawhsawh bantuk in Kalay University kalnak lei ah an i chok i, UG Kalay nih an tlaihmi hna a si.
Kum 20 veve hrawng an si i, Kalay Unversity lei kalnak 9-miles hrawng i Seh-hmuh lam cung ah khan an tlaih han.
“Mi sawhsawh thil an i hruk i thawngpang hlat ah an i chok. Rithaisii a tongthammi zong an si. SAC ralhrang kut tang ah a ttuanmi palik an si,” tiah UG Kalay ttuanvo ngeitu pakhat nih a chim.
SAC ralhrang nih Myanmar uknak an lak thawk khan Kalay University ah hin ralhrang pawl hmunhma an khuar i atu tiang an um peh rih ko.
