Nihin zinglei sml. 4:00 ah Kalay University (9 miles), SakhanGyi, Sekan, Aungmintar , Nanchaung le Aungmintar i SAC ralhrang cu kan miphun ralkap pawl nih an doh hna.
SAC ralhrang lei in a thi mi an tam i hliamhma a pu mi zong an tam ngai an ti. Asinain, kanmah mipi ralkap lei in minung 5 nih ram le miphun caah nunnak an pek ve.
CNA in Sniper pakhat, CNA/Chin Rifle (CR) i Commander a si mi Hma Ngaih Zuala , CDF-KKG in Sui Lian Sang le Kalay-PDF in ralkap pahnih an nunnak a liam.
Hi kahdohnak ah hin CNA, CNA/Chin Rifle (CR), CDF-Hualngoram, PDF Kalay, Mining Team, Pa Ka Pha (Kalay), UG (Kalay), Vakok-PDF, CNDF-TZ Vapual, RKDF, CDF-KKG, HNB, GRF, S2UG, EFDF, PDF-Zophai, CDF (CDM) Siyin hna i an i bawm.
Kalay University le Khaikam hi mipi ralkap nih an laak khawh tiah a titu an um bang in SAC ralhrang nih vanlawng le hriampi a hman pin ah Kalay lei in raldohnak tank in a rat hnawh hna caah an la kho rih lo tiah a titu zong an um.
An laak khawh le laak khawh lo kong ah kan ralkap lei nih official in thawng an thanh hlan cu thil fiang an si rih lo tinak a si ko.
