Laimi tampi khua an saknak Khampat khua lak ṭhan ding in aa thawhmi SAC ralhrang pawl cu KIA, PDF le ṭangrual mipi ralkap nih cei ngaiin an den hna caah an zaam dih, tiah NUG runvennak zung nih nihini December 16 ah thawngpang a chuah.
A zaammi SAC ralhrang pawl cu mipi ralkap nih an dawi hna i Khampat kaingkap ah ralhrang ruak 10 le meithal zun 17 an char.
A thimi SAC ralhrang 10 chung ah hin Major rank a simi ralhrang bawi pakaht aa tel tiah NUG nih cun a langhter.
Khampat khua cu kan hnu thla November 7 ah khan KIA le ṭangrual mipi ralkap bu hna nih an rak lakmi a si.
Mipi ralkap hna nih Khampat khua an lak hnu ah Khampat khuami pawl an khua ah an kir pah ko nain i kahnak a um ṭhan caah khuami an zaam dih ṭhan hna, tiah theih a si.
