Nizaan January 16 ah Kachin miphun hriamtlai KIA nih SAC ralhrang vanlawng an thlak lio video cu zapi hmuh ding in an tar cang.
Shan ramkulh, Namphatka khua cung ah chun sml. 12:00 hrawng ah a zuangmi SAC ralhrang vanlawng cu KIA hriamtlai pawl nih vanlawng kahnak in an kah i aa vel aa vel hnu ah a tla.
Vanlawng aa vel aa vel i a tlak lio video ah a lang i, a tlak i a puah thawngpang a thanmi zong theih khawh a si.
KIA nih vanlawng tla lak in an kahnak kong cu KIA chimnak nawlngei Colonel Naw Bo zong nih fiang tein nizan ah a chim cang. A tang i video hi hei zoh ve.
