South Korea minthang lemcang Lee Sun-kyun cu nizaan December 27 zinglei sml. 10:30 hrawng ah Seoul khuachung i mizapi tlonlennak dum (Park) ah a ruak in an char, tiah theih a si.
Lee Sun-kyun hi South Korea muicawl tampi aa thla cangmi a si i, 2019 ah a min a rak thang ngaimi “Parasite” timi muicawl zong ah aa telmi a si.
Lee Sun-kyun hi a motor chung ah a ruak in an char. A ruak a zohfeltu sibawite nih “Sivai a ngeimi khuvai (phun khatkhat) a dawp caah a thi. Mahle mah i thah a lo ko,” tiah a thihnak aruang an langhter.
Lemcang Lee Sun-kyun hi kum 48 a si cang i, a nupi le a fale pahnih he khua a sami an si.
Atu bantuk in a thih hlan ah hin rithaisii tonghthamnak kong he pehtlai in Lee Sun-kyun hi tazacuai a tong i, soisel zong a tong ngaingai, tiah an langhter.
