Mecheu nih dohthlennak a tuahtu kan ralkap pawl a soisel i an sual an kawl len hna lio ah kan Laimi tampi nih cun a phunphun in bawmhnak pek peng a si rih. Thachiat ding a si lo.
Atu zong hi kan Lainu muidawh Mai Ṭial Hnem Par nih tangka tam taktak a hlut than ko hna.
Mai Ṭial Hnem Par hi USA, Indiana ah a ummi a si. January 9 hi a chuahcam a si bang in lawmhnak ah CDF-Zophei sin ah Myanmar tangka ting 25 (2,500,0000) bak a hlut. A sunglawi tuk!
“USA Indiana khuasa Mai Ṭial Hnem Par nih a chuahni camtuak; January 9 a Birthday lunglawmhnak caah CDF-Zophei sinah Motorcycle (Kenbo X-125) cawknak caah MMK 2,500,000.00 a hlut mi cungah CDF-Zophei Min in lunglawmhnak kan rak langhter,” tiah CDF-Zophei zong nih lawmhank an tial ve.
“Bawipa Pathian nih ngandamnak in pe sehlaw, na rianṭuannak kip ah hlawhtlinnak in pe chin ko seh,” tiah CDF-Zophei nih chuahni tlacampiaknak an ngei.
Atulio Laitlang dohthlennak kong ah Laitlang zong ah um theng loin khuapi Condo innkhaan ah nuamsul in um riangmang in kan ralkap pawl sual a kawltu an um len.
Cu bantuk pawl cu miphun leirawitu, mahle mah miphun ai thei lomi, zawng lak ah ngaukaang an si hna.
