Mizoram, Saiha lei i Mara pawl nih an control mi MDF le AA pawl nih Mara ram ah sualngak a ngei lo mi khuami pahnih an tlaih than hna, tiah theih a si.
Mara hmunram Pasin khuate ah a um mi Pu Ra Khe le Pu Kyaw Aung cu March 9 ah khan AA le an hnuzul MDF pawl nih a ruang um lo in an tlaih hna, tiah CDF-Mara nih thawngpang a chuah.
Pu Kyaw Aung hi Pasin khua ah VC Pi a tuan lio mi a si. AA le an hnuzul MDF pawl cu Pasin khua pawng ah hin zarh hnih hrawng an caam i nizan ah khan minung pahnih hi an tlaih hna.
Atu tiang an thlah hna lo i zei ruang ah dah an tlaih hna ti zong theih a si lo, tiah khuami nih an chim.
Rakhine miphun hriamtlai AA le an hnuzul MDF pawl nih hin CDF-Mara chungtel panga hrawng zong an rak tlaih cang hna.
