MDF cu CDF-Mara he aa ṭhen mi kha an si i, AA he Paletwa ah ral a rak do ṭi mi kha an si. CDF-Mara hi Chinland Council zong ah a um mi a si.
MDF belte hi Chinland Council le CNA a hua ngai mi CNDF, CDF-Mindat, PDF-Zoland le CDF-Kanpetlet lei ah a dir mi a si.
Cucahcun MDF kong vun chim tik ah hin Mara miphun khi ti duhnak an si lo. Mara miphun ah Chinmi zapi huap in rian a ṭuan mi le Chinland Council he a dirkamhtu tampi an um ve. MDF tu cu a peu mi an si.
Lailenpi ah khan MDF nih khawzeimaw ti phun in a thli taktak tein CNA bawino pakhat le CDF-Mara pakhat thi lak in an rak kah hna. CNA bawino cu a ruak hmanh laak awktlak loin an tuahto.
Hiti an umtu nih hin MDF nih CNA an huat ning le ralhrang lungput an ken ning a langhter.
Cucaah, CNA le CDF-Mara i bawm i MDF sakhan cu an kah ciammam i MDF lei hi ui zaam le ar zaam in an zaam dih pet. Sabawngpi i an sakhaan zong in an zaam dih ko cang. Hmanthlak i khi MDF nih an zaamtak mi hmun ah an char mi a si.
Unau thisa tlai, Laimi le Laimi karlak thisen le nunnak laak tiang in a sual mi MDF cu an tuh bang in an zun thluahmah lai. Thisen le nunnak an laak hmasa mi kong ah anmah lei nih Laiphung tein nawlpatnak an tuah lo ahcun an cei bak rih lai.
