Messi hi an ram Argentina National Football Team ah kum upa bik le an Captain a si bang in a chuih ti hawi a naule nih an upat ngaingaimi a si.
A nun a nem i, a chuih ti hawi pawl a dawt hna caah a naule pawl zong nih an upat lawng si loin dawtnak nganpi a cung ah an ngeih. An i bochan tuk fawn.
Atutan World Cup Quarterfinals i, Netherland an tei hnanak ah biapi bik pakhat a simi an kawlbawh Emi Martinez cu Penalty sut a dih hnu ah TV thawngzamhnak nih bia an hal i, hitihin a leh hna:
“Messi nih World Cup hrai a kan thlirpi kawh ding hi kaa ruahchan bik ko. Zei paoh tuah ka ngamh. A caah cun ka nunnak tiang in ka pek lai,” tiah a chim.
Netherland nih Penalty ahmasa bik voi 2 an sutmi cu Emi Martinez nih dawh tuk in a kham khawh caah Argentina nih an tei hna i, Semifinals tiang an kai kho cang.
December 14 (Myanmar caan) zinglei nazi 1:30 ah Argentina le Croatia cu Semifinals an chuih telai.
