Argentina nih World Cup champion an hmuh tik ah Messi nih Pathian a bochannak kong a chimphuan ko.
World Cup hlan ah khan Media nih bia an rak hal i Pathian nih hin keimah caah caan tha le caan rem a ka tinhpiakmi a um ko tiah a rak leh bal hna.
Atu ah World Cup hrai a vun thlir tik ah puai a dih hnu in bia an hal than i, Pathian a bochannak kong cu a tanglei bantuk in a chim.
“Mah laksawng hmuh ding in hi ka rak duh tuk hringhran. Pathian nih ni khat khat ah a ka pek te lai timi zong ka theih ko. Atu ning in thil a can hi Pathian khuakhan a si ko,” tiah a leh hna.
Messi hi Pathian aa bochanmi a si bang in chungkhar zong ah va tha le hringtu pa tha a si.
A nupi nute hi Argentina ram ah an ngakchia tein sang khat ah a rak um i, aa rak theimi an si. Nungak tlangval an si in an rak i duhdaw i atu tiang nuam tein chungkhar an dirh ti.