FIFA pumpululh chuih thiam pawl laksawng peknak puai cu nihin January 15 ah London ah an tuah i Messi nih “FIFA Best Player Award” a co tthan.
FIFA pumpululh chuih thiam laksawng peknak cu kum khat voi khat tuah a si i, atutan hi 2023 chung i vawleicung pumpululh chuih thiam bik laksawng peknak a si.
Messi, Mbappe le Haaland hi Top 3 ah thim an rak si i, cu chung in a thiam bik an vun thim tik ah an zumh tukmi Haaland cu Messi nih a hun tei diam.
Nikum i Ballon d’Or laksawng pek lio zong ah khan Haaland nih a hmuh lai tiah an a zumtu an tam ngaingai nain Messi nih a rak tei thotho.
Atulio Inter Miami ah a chuihmi Messi cu Ballon d’Or laksawng voi 8 le FIFA thiambik laksawng voi 3 (2019, 2022, 2023) a hun hmu cang.
