Nihin January 15, chunhnu ah Chinram, Mindat peng chung ah SAC nih vanlawng in bomb a thlak caah kum 70 hrawng a si mi nu upa pakhat a nunnak a liam, tiah thawng kan theih.
Mindat peng chung, Taiknay No. 2 (တိုက်နယ်အမှတ် ၂) ah SAC nih vanlawng in bomb a thlak i, innleng ah a um mi nu pakhat a nunnak a liam, tiah Mindat lei thawngpang a tar tawntu HKL Mindat nih a langhter.
SAC Fighter vanlawng nih voi khat kah ah bomb pahnih a chuak mi in voi 2 a kah hna pin ah Machine Gun zong in pehzul in mi tampi umnak khua cu a kah chih.
Atu bantuk in SAC ralkap nih Taiknay No. 2 khuate ah vanlawng in an kah hna lio ah hin Mindat peng chung ah kahdohnak a um lo, taih thawng kan theih.
Credit – The Hakha Post
