Myanmar ram dohthlennak cu kum 2 a hun tling dengmang cang bantuk in ramlak ah harsa ngaiin a um i SAC ralhrang a domi kan ralkap pawl hi an har chin thluahmah cang.
Kawlram chung hriamtlai bu tete an tam tuk bantuk in tangka kawl zong a herh peng ve caah mipi lei zong a re a hun thei thluahmah ve cang i, bawmhnak tangka zong ahlan bang in an pe kho cio ti lo.
Cucaah, Kaya (Karenni) ralkap bu (KNDF) nih cun kum 150 a upami Baibal ca zuar in dohthlennak caah tangka an hun kawl cang. Lung a tha lo ngaingai.
Hihi an harsat tuk ruang ah Baibal ca tiang an zuarnak a si. Atu an zuarmi Baibal ca hi hlanlio 1875 ah an rak nammi Mirang Baibal ca a si. Atu ah cun kum 150 hrawng a si cang.
“KNDF Battalion (4) ah hliamhma a pumi ralkap pawl an harsat tuk caah anmah bawmhnak ah mah kum 150 hrawng a si cangmi Baibal ca hi $700 in kan zuar,” tiah an langhter.
Kum 150 hrawng a si cangmi Baibal ca hi cu a taktak ah man a ngei tuk hrinhrang. Ro le rah bantuk a si i, Museum le Liberary ah sunglawi tein fim ding pawl khi an si. Ramdang ah cun an fim i tongh hmanh hi an siang hna lo.
Asinain, kan Kawlram lei dohthlengtu ralkap pawl an har tuk tik ah a man a sung tukmi Baibal ca cu zuar an timhnak hi a si.
