Myanmar ram muicawl tuanbia ah minthang bik pakhat a simi Academy Moe Moe Myint Aung cu tangka a cawimi hna cham loin a zaam caah taza an cuai tiah theih a si.
Moe Moe Myint Aung le a vapa U Maung Maung Kyaw nih hin Dawei ah a ummi Zinan company rian caah Inndakaw khuami minung pakhat sin in tangka ting 5,000 an rak cawi.
Cucu December 2022 ah ting 3,000 le 2023 ah ting 2,000 tiin voi 2 cham ding in hnatlaknak an rak ngei.
Asinain, atu taing ah Moe Moe Myint Aung le a vapa nih tangka an cham hna lo pin ah an zaam caah mi hlenthawinak in taza an cuai hna hi a si.
Moe Moe Myint Aung nih cun ka vapa nih mi a cawimi a si i keimah he kaa pehtlai lo a ti caah November 2022 ah a vapa he phungning in i thennak minsen an rak thut.
Asinain, atu hi an nuva in tangka hlengtu tiah taza an cuai hna i an zaam ko cang.
