Pu Henry Van Thio cu NLD Central Committee nih dantat ding in an timhtuah tiah theih a si.
August 1 ah Mithat Min Aung Hlaing hruaimi SAC nih National Defence and Security Council (NDSC) meeting an tuah i Pu Henry Van Thio zong a kai ve caah NLD nih dantat an timh cu a si.
Mah hlan ah voi 3 an rak tuahmi NDSD meeting ah Pu Henry Van Thio hi a rak ballo nain atutan hi a voi khatnak a kai a si.
A duh lo tuk na buin an kaiter mi zong a si kho tiah an zumh. Kan hnu January thla ah an tuahmi NDSC meeting lio ah khan Pu Henry Van Thio cu a lu ah hliamhma put caah sizung ah a um i a kai kho lo.
Pu Henry Van Thio cu NLD in teinak a hmuh hnu ah Kawlram Vice President ah Daw Aung San Suh Kyi pumpak ni a thimmi a si i, Daw Aung San Suh Kyi thonginn a tlak lio ah atu bantuk in ralkap he aa komh caah NLD nih dantat an timhnak a si.
