Thantlang peng, Tlangpi khua ah pastor a ttuan liomi Pastor Cung Lian Thawng cu meithal in an hliamh sual caah a nunnak a liam.
Pastor Cung Lian Thawng hi kum 26 lawng a si rih i, Tlangpi khua COTR Khrihfabu i Pastor a ttuanmi a si.
February 13 zaanlei suimilaam 2 (Myanmar caan) hrawng ah meithal hliamtuar in a nunnak a liam tiah kan theih.
Khuami pakhat nih ” Pastor Cung Lian Thawng hi COTR Tlangpi Pastor a si i, khan an hawtnak Tlangpi ram Cerhrang Kuam ah meithal in a țaang ah an hliam i, caan zeimaw chung cu a lung a fim ko nain, an tlunpi lio khua phanh hlan ah a kan liam tak” tiah a chim.
Sortu a pa Rev. Za Thu hi a luancia kum 2018 lio ah khan a rak kan liamtak cang tiah a chim chap.
Credit-The Lairam Times
