SAC ralhrang nih Myanmar-Bangladesh ramri congtu ah a chiah mi ralhrang palik pawl cu ralṭih in an zaamnak le an i thuhnawhnak ah pawṭam in an thih deng cang caah Bangladesh ram ah an zaam lawlaw tiah theih a si.
Ei awk a ngei ti lo mi SAC ralhrang 29 cu nihin March 11 ah Bangladesh ram ah meithal he an zaam, tiah Myanmar Now nih a ṭial.
Hi SAC ralhrang palik 29 hi ral ṭih ruang ah Myanmar-Bangladesh ramri ah caan sau nawn aa thup cang mi an si i, nitin in i thuhnak hmun an i thawn tiah Bangladesh thawngzamhnak nih an ṭial.
An i thuhnawhnak ah eidin le tirawl ngei ti lo in an um i, tihal le rawlṭam taktak in an um hnu ah Bangladesh ram ah an rak luh hi a si, tiah Dhaka Tribune nih a langhter.
Cu SAC ralhrang palik 29 cu Bangladesh ramchung dum pakhat ah Bangladesh ralkap nih an chiah chung hna i, kaa dang ah a rauh hlan ah ṭial an timh hna, tiah theih a si.
