Vice President Pu Henry Van Thio cu SAC ralhrang he aa komh cang caah NLD party sinak in kan chuah, tiah NLD Central Committee nih nihin August 9 ah thawng an thanh.
“Pu Henry Van Thio hi mipi nih zumhtlak tein Vice President si ding in rian rak khinh a si nain atu ah cun mipi a kan thatnawngtu SAC ralhrang he aa komh cang caah NLD sinak in kan chuah,” tiah an langhter.
Kan hnu July 31 ah SAC ralhrang nih an tuahmi National Defence and Security Council (NDSC) meeting ah Pu Henry Van Thio cu a kai ve caah atu bantuk in phuah a ton hi a si.
Laimi kan pale chung in SAC ralhrang lei a ttang mi an hun tam chin uahmah cang. Pu Ngun San Aung, Dr Ngun Cung Lian, Dr Hmuh Thang le Pu Henry Van Thoi tiin minung 4 bak an si cang.
